Прывілей Менску на Майдэборскае право


1499 г., сакавіка (14) 21. Вiльня.
Лiтоўская Мэтрыка. Кн. Зап.,
№ 5, л. 86-87

Во име светыя нерозделимая троицы, аминъ.

Кгды бы вчынъки людскии, которые-жъ с прыроженье своего кончаються, через тведости листовъ ку вечъности не прыведены и слушнымъ сведецтвомь ку прышлого часу ведомости не были бы доконъчаны, сказила бы всякии речы с часомъ старость. А для того высокие княжата радою вставили, абы безрадствомъ и невставичъностью речей, котории ижъ ся имуть на потом деяти, шкоды бы не было, вложили на то тверъдости листовъ, сведецтва укладаючы знамя; ижъ'бы то было вечно.

Про то, ку въкуистой тое-то речы на памяти, мы, Александр, божжю милостью великий князь Литовский, Руский, Жомойтский и иных панъ и дедичъ, чинимъ знаменито симъ нашымъ листомъ, хто на него посмотрыть або чтучы его услышит, нинешнимъ и потомъ будучымъ, кому будеть потреба его ведати.

Иже маючы възгляд посполитого доброго розмноженья и хотечы положенье места нашого Менского в мере лепъшой поставити, абы люди нашы, тамъ мъшкаючыи, через врад добрый а справедливый были размножены, тое место наш о Менъскъ с права Литовъского и Руского, и которое коли будеть тамъ перво держано, у право Немецкое, которое зоветься Майтборъское, переменяемъ; на вечныи часы вставъляемъ и даемъ имъ знову обычай подлугъ того права Майтборского зуполное раженье и всю уставу, отдаляючы того места вси права, вставы и обычаи перъво держаныи, которыи-жь тое право Майтборское нагабають, засмучають, або перешкажають.

А про то, подлугъ того-то права Майтборского, в месте вышей речоном Менъскомъ войтовъство знову вставъляемъ, и тымъ нашымъ листом тое войтовство надаваем, записуючы войтови нинешнему и всимъ потомъ на его местъцу будучым третий пенез ото всих судовъ и винъ судовых. Тежъ прыдаемъ к тому войтовъству две клетки мясных с платомъ ихъ. А иныи клетки вси и платъ с них маеть быти на ратушу, ку пожытку местъскому. Такеж прыдаемъ в моцъ войтовскую две корчме вольных с платомъ их, с чотырма копами грошей.

Тежъ хотимъ, абы вси, в томъ реченъномъ месте Менъском мешкаючы на которомъ—коли местъцу, права того Майтборского пожывали и ему во всих речах цовинъни были и в каждомъ деле послушни. И тые люди вси выймуемъ от права городского и боярского, и отдаляемъ их и вечне вызволяемъ всих того места людей от судовъ и от моцей всихъ воевод и панов и старост, наместъниковъ, судей и всих врадниковъ всего Великого Князства Литовъского, такъ, ижъ передъ нами о которыхъ-кольвекъ речах будуть позваны, на праве, не будуть повинъни стояти, ани имъ отповедать. А естли з них хто кому будеть чымъ виноватъ, мает имъ справедливость статися перед войтомъ их и бурмистры, и радцы. А естъли войт, а любо бурмистры будуть видетися несправедливы, тогды о тую речъ мают позвани быти перед насъ самих и им отповедати, которых жо маемъ тымъ правом судити.

Тежъ вызволяемъ их от подводъ, которыи-жъ посполито перед тымъ даивали. Ино вжо, на потомъ, на потребу нашу земъскую подводы мають давати, коли увидять подводный листъ, зъ сыгнетомъ нашым запечатованый. Таке-жъ вызволяемъ ихъ от сторожы, которую-жъ к нашой потребе толко мають давати.

Тежъ, кроме Вилневцомъ, ни одинъ купецъ иного места не будеть моцы мети инако куповати и продавати, только под тою мерою, и томъ листе на долу выписаною: найпервей воски штукою, або по полуберъковеску; соболи, куницы и тхоры по сороку; белку, горностая, ласицу и норыцу но полтретяста; попел, смолу лаштомъ. А того не мають куповати ни в лесехъ, ани в борех, ани в селехъ, толко на месте. Теж мають продавати сукна поставомъ, соль лаштомъ; перец, имъбер, микгъдалы и инъшыи зелья простыи каменемъ; шафранъ, мушкаты, гвоздики, кветъ мушкатовый, кгалкганъ, цетваръ и инъшии зелья дорожшии фунътомъ; секиры, ножы и инъшыи таковъские речы тахромъ, або в тузинъ; железо, олово, медь, цыну, мосязъ и инъшыи речы таковъскии цетънаремъ; фикги, розынъки кошемъ; вино какое-колвекъ и пиво немецъкое и инъшое питье чужое бочъкою целою.— Тыи купцы чужые не будуть смети под меру менъшую ани продавати, ани куповати, толко какъ уверху выписано, а естъли-бы который своею смелостю иначей вчинил, тогды тую куплю до коморы нашое войт, на насъ возметь.

Допущаемъ тежъ в томъ месте нашомъ мети важницу и тежъ капницу, и весь воскъ, тамъжо стопленый, печатью их мають знаменитовати, и с того вжытъки ку посполитому доброму мають ховати.

Полецаемъ такежъ войту и бурмистром, на тот часъ будучымъ, вси места пустыи в месте и вкругъ места поля нашы ку осаженью и розмноженью людей; нижли што нашия наша городовая, в тыи поля мсщаномъ не уступатися.

Даемъ тежъ доброволенство всим мещаном, подле давного обычаю, брати дерево на будоване домовъ их и тежъ на кухню—в борехь и в лесехъ за тры мили около местъца—в нашых борех и в лесех, и в пущах, окроме бортного дерева, которого-жъ рушить не смеють. Такежъ где перед тымъ скотъ свой, быдло, они пасывали и нине доброволно имъ без кажъного нагабанья тамъ-жо паствити.

Мають тежъ вбудовати лазню посполитую, ку пожытку местъскому, где местъцо оберуть подобное.

И тежъ на местъцу годномъ мають справити ратуш, под которымъ жо будуть мети крамницу и клетки хлебъные и комору пострыгальную. И тамъ жо, на ратушу, мають мети бочку мерную и медницу зъ знаменем местъским.

С которых-жо речей вси вжытки войт и з бурмистры ку местъ-ской оправе ховати будуть.

Мають тежъ быти в месте первореченъномъ дванадцать радскихъ, которыи-жъ радцы з войтомъ посполито мають обирати промежъку себе на кождый год двух бурмистровъ, которых-жо руками обаполъне з войтомъ посполства маеть ражено быти.

Уставляемъ тежъ на вечный часы, абы выше мененое место кажъдымъ годомъ шестьдесятъ копъ грошей на великъдень до скарбу нашого, без всякое вымовы, нам давало.

Хотимъ тежъ, ижъ бы тое место нашо цынъшъ каръчемный в кажъдый год, подле стародавного обычая, намъ зуполъна давало по давъному.

Тежъ, коли положимъ серебъщыну нашу великую и малую по всим городомъ нашымъ и местомъ и волостемъ в нашомъ панъстве великомъ князстве, ино тое нашо место мают нам серебъщыну давати такъ, какъ и иные нашы места, без кажъдое вымовы.
Тежъ мыто нашо Менское и с промытою мають мытники нашы держати, которимъ кольвекъ продадимъ, во в покои, подле давъного обычаю.

Такежъ дозволяем имъ ку местъскому пожытку млынъ збудовати на месцу подобном на реце на Свислочы, а старого млыну, который жо к замъку прыслухаеть, не мають опустити, абы платъ его зуполна былъ.

Такежъ к тому месту нашому Менъскому даем и записуемъ, и дозволяемъ суполне тымъся правомъ Майтьборским судити и радити, а надо все тое болшое право собе зоставъляемъ.

А над тых всихъ речех, на сведецтва и лепшую моцност, печат наша к тому-то листу естъ завешона.

Сталося и дано у Вилни, у четвергъ шостое недели поста, мца марца 14, в день светого Бенедыкта, лета Божего тисеча чотырыста деветдесят девятого (1499).

Пры том были: велебный, велможный, врожоный княз Войтех, бискупъ Виленский, а воевода Киевский княз Дмитрей Путатичъ, а охмистръ, наместъникъ Ковенский, пан Войтко Яновичъ, а маръшалокъ наместъник Мойшакголский и Дубицкий пан Бартошъ Таборовичъ и иныи.

Прывілей Менску на Майдэборскае право, страница 1 Прывілей Менску на Майдэборскае право, страница 2 Прывілей Менску на Майдэборскае право, страница 3

Информация предоставлена: Управление культуры Мингорисполкома
Дата обновления: 16.07.2009

Разработка и сопровождение КУП «Центр информационных технологий Мингорисполкома» © 2001—2019